[日記]幸運地被點中名..

點名規則:
一:傳給10個人 
二:照內心想法打
三:被點名的不可不做

排名不分先後  ( 用3F的人算.. 真係是但諗到咩名就打咩名..)
01. 奶強
02. Gary
03. Albert 
04. 阿納
05. Y-terry
06. 唐翎
07. 高高
08. 詹梓
09. 沁沁
10. 阿琼

問答篇 (每人舉出十個三個優點 , 及 50字總感覺)

你覺得01如何 (奶強)
優點:    數學成績頗好 , 普通話十分了得 , 同佢一齊唔會太悶
總感覺: 開初認識佢果下.. 我覺得佢有小小似傻仔, 即係呆下呆下果D.
           但係,熟落左之後,原來佢份人都唔錯, 講野有時幾好笑, 同埋真
           係無見過佢發脾氣或者好嬲,所以,我覺得佢人品都幾好,比我感
           覺,都算係一個好人..
           
你覺得02如何 (Gary)
優點:    識得分場合搞gag , 玩online技術都唔錯 , 幾玩得下 
總感覺: 斯斯文文,唔會太粗暴,同埋有時都識講下笑,除左眼鏡靚仔D..
           風趣得黎帶小小幽默；蠢得黎帶小小聰明；純真得黎帶小小咸濕
           我對他的評價都唔錯，以禮待人，一個唔錯既男人。

你覺得03如何 (Albert)
優點:    鋼琴小王子 , 普通話十分了得 , 講野好笑 , 數學成績很好
總感覺: 一名中國藉男于, 間唔中會使用暴力 , 對中國的知識十分廣博,
           個性比較獨特,不知他腦海入邊正在想什麼,是一個心不可測的人,
           他究竟是一個什麼樣的人?到現在還是一個【謎】.. 

你覺得04如何 (阿納)
優點:    個性比較成熟 , 數學十分了得 , 對任何人也不錯
總感覺: 是班中一名比較受歡迎的人,因為他的性格十分友情,對人唔錯,
            是為朋友着想,當朋友有難,他便會義不容辭地出手幫助,
            間唔中會送人食野,飲野。滿幽默感的青少年,思想更比一般的
            同輩成熟.. 可以稱得上是完美的人類!

你覺得05如何 (Y-terry)
優點:    此人並無優點
總感覺: 是一個頗似大雄的人類,經常提不起勁讀書,很喜歡打機的少年,
           表面上很斯文,其實是一名惡魔,他的思想十分嚇人。經常發白日夢,
           個性有時候都唔錯,都是一個會幫助人的人,有難時,找他可能也是
           一個不錯的選擇。總感覺都ok唔錯

你覺得06如何 (唐翎)
優點:    成績名次有時幾好 , 認識日本文化 , 對人有時唔錯
總感覺: 本人覺得她對待別人方面唔錯,只是她這個人比較天真,亦都好傻,
           一個頗玩得的人,好小見佢嬲(或者只係我無乜見過).. 很像很喜歡
           睇漫畫及動畫的少女, 亦都是一個好像很喜歡聽音樂的女孩子,
           真係諗既野好細個.. 應該說是【幼稚】還是【純真】?

你覺得07如何 (高高)
優點:    畫畫好像幾靚 , 識講下爛gag , 寫字D字跡有自己個性(D字幾得意,,)
總感覺: 有時真係玩得太過瘋狂,但係有時就完全唔同,感覺上好似兩個人.
           有時比人感覺就「好似」好成熟.. 間唔中都會幫下人(間唔中only)
           講野有時幾【無里頭】,總之乜都講一餐, 但係都幾好笑 ..
           總體,都係一個人品幾好既女孩子.. 對人都ok好..

你覺得08如何 (詹梓)
優點:    發掘中
總感覺: 佢都有可取之處,就是在我心思重重的時候,她可以為我開解?
           (為我開添煩惱咋話？)講真，其實我覺得佢都幾幫我既，係平時真係有時串
           左【小小】..例如有時我人際關係出左小小問題.佢會幫我解決,這方面我覺
           得佢好好(只係黎方面) 對比我個感覺,真係時時唔同,有時好傻..有時
           好串,有時好好,不過大致上都ok既~~

你覺得09如何 (沁沁)
優點:     比較成熟 , 對人方面幾好 , 講野都幾得意
總感覺:  佢比我既感覺無乜特別,最初認識佢果下,覺得佢個性比較沈默,不過
            都算開朗果隻黎既.. 都幾樂於助人, 有時叫佢幫我做野, 佢都唔會點推,
            有時玩佢,佢都唔會點嬲, 比較玩得。 總體來說,是一個好好既女仔..

你覺得10如何 (阿琼)
優點:    待人方面幾好 , 十分玩得 , 比較思想同行為都比較成熟, 成績都唔錯
總感覺: 佢真係一個好好既女仔.. 講野好成熟.. 我有好小小野都係係佢身上
           學番黎的說.. 好開朗.. 同佢傾計,你會覺得好舒服.. 因為佢好有禮貌,
           同埋真係好玩得, 好似玩極佢都唔會嬲咁, 佢黎種女仔真係幾好,,
          

3月28日 - 琼的十六歲生日
　　今日係琼的生日，本來其實無乜野，但係我從Terry口中，聽了一個消息，令我有小小灰灰地，竟然成班去街幫佢慶祝，無人叫埋我？依家算點先，當我無到咩？我聽到佢地無叫埋我之後，真係唔多唔少都有小小唔開心的說.. 証明..
佢地跟本無當個我係朋友,表面上好似同你好FD咁,其實.. 死左佢地可能都唔知..



▲ 原本, 我打算比琼睇下以下黎個..  最後都廢事.. 係msn打句生日快樂算.
　這個係我玩某個小遊戲玩到第二名既記錄，上面打住【生日快樂】..
   唔開心既野唔好再提.. 不過在此都祝佢【生日快樂】

仲有一樣新發現想同大家講下..
原來高高既記性好好@@'' 我問佢讀咩幼稚園仲記得~

近日，我居然發現我鍾意左睇多啦A夢@_@''  迷上左睇..證明我純真左 =]
不過其實都幾好睇?好在我家姐買曬45期叮噹番黎,可以比我慢慢睇~~
同埋,最近亦有一個新搞作, 就係開左個論壇出黎放野, 
*唔使用錢買空間咁麻煩,原因我阿哥比左60GB我用~
因為佢部手提電腦個harddisk好大~
不過因為我只係想比我既朋友入去睇野，所以Set左使用者名稱及密碼。
而使用者名稱同埋密碼, 可以在我yahoo! 3F無聊日記找到~
http://hk.myblog.yahoo.com/fanmanhei2003/article?new=1&mid=75
如果識我既，又有興趣者，歡迎入去參觀（但係都無乜野，因為最近先開~)


今日大致上都係過成咁, 因為唔係返學,所以無乜野寫~

你認為人生為了什麼?
　　你認為人生真係為左什麼？追求一切自己想得到的事物？想找人告訴你真正的答案，幾乎是沒有這個可能。所以，以下的內容也只是我個人的意見，並無根據的。
　　你認為人生為了什麼？我不知道，我只能說沒有標準答案，只有自己想出來的答案。基本上，你想到出來的答案，也就是答案。【人生為了什麼】如同問你【你的理想是什麼】，你回答的答案也是差不多，因為你為的就是你的理想了。例如問一個設計師，也許說一生是為了藝術而生存，你問一個很喜歡學習的人，他也許會說是為了追求知識。如果問我，人生為了什麼？我大概會說為了開心，快樂。你即使得到世界上所有的事物，
如你得不到開心，一切的事物，也滿足不到你的慾求。
　　也許你不明白我在說什麼，因為我也是隨心所說的爾爾，不過，也希望你們，抽一分鐘想一想，你認為你的人生為什麼？雖然看似是一條無聊的問題，但是也是值得我們思考的！

3月24日 - 多采多姿沉悶的一天
今日係一日大日子.. 就係開黎個Blog的第一天,
同時,亦都係一日比較沉悶既日子,
3月24號 .. 三易死.. 三月易死..  係就係死了.. 悶死.."
放假既日子係特別悶.. 呢個假期真係無乜新搞作..
呢個時刻溫書又太早.. 功課又未有mood做..
只好無聊上下網..食下野 , 訓下覺..<<--雖然我係唔認
同黎種無聊人生,但係事關真係唔知做乜好..
所以只好過下黎D無聊生活....

近排..鍾意左上【鬼故區】 (( 居然喜歡上這樣的興趣= ='' ))
不過,我發覺原來我唔係咁驚鬼.. 
同時亦都想探究一下【其實黎個世界有冇鬼】?
如果真係一個時運低見到既話,應該值得高興..
起碼話你知..  人死左之後馬上消失左.. 而係以另一種方式生存..
不過,其實鬼係唔恐怖.. 現實世界既屎忽鬼仲恐怖..
佢可以無啦啦搞完你一餐,仲話番你轉頭..
真係令我十分畏懼的一種鬼.. ((我學校大把)) 


P.S. 今日,都係一日無乜野做既一日..
      希望聽日會好玩D..

倒數三個月
現在是三月二十四號..
還有三個月多的時間便完結中三的生活..
真係估唔到D時間過得咁快.. 一轉眼就完..
下年.. 各散東西..  就好似一個大家庭比人折散曬一樣..
讀文商既有, 讀英理既亦都有..  各佔一半..
而我自己就簡英理.. 同我一齊入英理既人得十幾個..
即係3F既大家庭有三十幾個走左.. 換來的是新同學..
可以話喜?因為可以結交新朋友,
可以話悲?因為很多相識三年的,如今便要【拜拜】
諗起都有小小無奈..
遲下再慢慢詳談這個話題..*

開SinaBlog
點解你會在此出現?!  無得解.. 想囉 .__.
余考慮了很多落腳之地,例如QOOZA 等 ,但係最值得我留低的是SinaBlog..
不過沒有所謂吧.. 管他哪兒,打到日記便行了
那以後一路就請大家照顧._.
交帶完畢-